အမေရိကန်နည်းပညာဖြင့် ကြယ်ငါးပွင့်အဆင့်မီ Sheraton Hotel Yangonတည်ဆောက်ရေးစီမံကိန်းသည် ယခုချိန်တွင်တည်ဆောက်မှု ၈ဝရာခိုင်နှုန်းပြီးစီးနေပြီ ဖြစ်ကြောင်းသိရသည်။
ထိုစီမံကိန်းသည် အမေရိကန်အခြေစိုက် Star Wood Hotels and Resorts ကုမ္ပဏီ၏ ပြည်တွင်းရင်းနှီးမြှုပ်နံှမှု Sheraton Brand အဖြစ် မြန်မာနိုင်ငံ Family Business Hotel နှင့် ပူးပေါင်းကာ မြန်မာနိုင်ငံတွင် ပထမဆုံးအကျိုးတူပူးပေါင်းဆောင်ရွက်ခြင်းဖြစ်ကြောင်းသိရသည်။
ယင်းစီမံကိန်းသည် ဦးထွန်းမြတ်လမ်း၊ရန်ကုန်မြို့တွင် တည်ရှိပြီး မြေ ၁ဒသမ ၂၃ ဧကပေါ်တွင် အမေရိကန်ဒေါ်လာ၆၅သန်းအကုန်အကျခံဆောက်လုပ်ခြင်းဖြစ်ကြောင်းသိရသည်။
ဟိုတယ်တစ်ခုလုံး၏ floor ဧရိယာမှာ ၃၉၆၉၇၈စတုရန်းပေရှိပြီး အဆောက်အအုံမှာ အလျား ၂၁၇ပေနှင့် အနံ ၂၆၆ပေ ရှိကြောင်းသိရသည်။
အခန်းပေါင်း ၃၄၇ခန်းပါဝင်မည်ဖြစ်ပြီး Basement နှစ်ထပ်ကားပါကင်ပါဝင်မည်ဖြစ်ကြောင်းသိရသည်။
ဟိုတယ်အဆောက်အအုံမှာ နိုင်ငံတကာစံချိန်မီ ၁၆ထပ်ခွဲအဆောက်အအုံဖြစ်ပြီး အဆင့်မီ ဓာတ်လှေကား ၉ စင်း နှင့် စက်လှေကားသုံးစင်းပါဝင်မည်ဖြစ်ကြောင်း၊ပထမထပ်ရှိ Ball Room တွင်
လူဦးရေ ၇ဝဝဆံ့သည့် အခန်းထည့်သွင်းဆောက်လုပ်မည်ဖြစ်ပြီး ဟိုတယ် အဝင်ဝတွင် အဆင့်မြင့်စားသောက်ဆိုင် သုံးဆိုင်ပါဝင်မည်ဖြစ်ပြီးအပေါ်ထပ် ၁၂ထပ်လွှာ(Rooftop)တွင်လည်း စားသောက်ဆိုင် တစ်ဆိုင်ပါဝင်မည်ဖြစ်ကြောင်းသိရသည်။
မြေညီထပ်တွင် International စားသောက်ဆိုင် တစ်ဆိုင်ပါဝင်မည်ဖြစ်ကြောင်းသိရသည်။
ဟိုတယ်အဆောက်အအုံ ဒုတိယထပ်တွင်ရေကူးကန်၊အားကစားလေ့ကျင့်ခန်း၊နိုင်ငံတကာအဆင့်မီ Spaများပါဝင်မည်ဖြစ်ကြောင်းသိရသည်။
Myawaddy Newspaper
