အိမ်ဆောက်တဲ့အခါမှာ ပန်းရံသမားတွေ အုတ်စီတာကိုကြည့်ပြီး မသိတာမရှိရအောင်ဗဟုသုတအနေနဲ့ဖော်ပြ ပေးလိုက်ပါတယ်။
အုတ်စီတဲ့အခါမှာ သိထားသင့်တဲ့ အုတ်စီနည်း (၃) မျိုးကိုဖော်ပြပေးလိုက်ပါတယ်။
အုတ်စီတွက်ရာတွင် ဘိလပ်မြေနှင့်အုတ်ကုန်ကျမည့်အချိုးအစားကိုအရင်ဆုံးဖော်ပြပေးလိုက်ပါတယ်။
“ ၉” လက်မအုတ်ရိုးစီရာတွင် (၁၀×၁၀) ပတ်လည်တစ်ကျင်းစီရာတွင် အုတ်အလုံးရေမှာ ၁၀၄၀ ခဲဖြစ်ပါတယ်။ အလျားလိုက်တွင် ၂၆ ခဲနှင့် အနံတွင် ၄၉ ခဲဖြစ်ပါတယ်။
၂၆×၄၀= ၁၀၄၀ ခဲကုန်ပါတယ်။
“၄” လက်မခွဲအုတ်စီရာတွင်ကုန်ကျသည့်အရေအတွက်ကိုလည်းဖော်ပြပေးလိုက်ပါတယ်။
(၁၀×၁၀) ပတ်လည်ကို “၄”လက်မခွဲအုတ်စီရာတွင် အလျား ၁၃ခဲ ၅မူး(အုတ်တစ်လုံးရဲ့တစ်ဝက်) နှင့် အနံ(မြင့်) ၄၀ ခဲကုန်မှာဖြစ်ပါတယ်။
၁၃/၅×၄၀=၅၄၀ ကုန်မှာဖြစ်ပါတယ်။
“၉” လက်မအုတ်ရိုးနှစ်ကျင်းစီရာတွင် ဘိလပ်မြေ ၁×၄ အချိုး ၆ အိတ်ကုန်မှာဖြစ်ပါတယ်။
“၄” လက်မခွဲတစ်ကျင်းအုတ်စီရာတွင် ၁×၄ အချိုး ဘိလပ်မြေ ၂ အိတ်နှစ်အိတ်တစ်ပိုင်း ကုန်မှာဖြစ်ပါတယ်။
“၉” လက်မအုတ်ရိုးစီရာတွင် အလွှားမထက်အောင် စုံ၊ မ ခွဲခြားစီတတ်ဖို့လိုပါတယ်။
ထိုမှသာ ဒမ် နှစ်လွှား = စုံနစ်လွှား ထပ်မှာမဟုတ်ပါ။
၃-၅-၇-၉ မ, ဂဏန်းများတွင် ဒမ်စီပြီးသွားရရပါမည်။
၂-၄-၆-၈,စုံ ဂဏန်းများတွင် အကွက်ဖော်ပြီးစီးသွားရပါမည်။
အုတ်တွေကြားမှာ မာဆလာ ၅ မူး ပုံမှန်ရှိရပါမည်။ ဒါမှခိုင်ခန့်ပြီးကြည့်လိုက်ရုံနှင့် အမြင်ကောင်းကောင်းရှိပါသည်။
ထို့ပြင်ဂျပန်ကွက်နှင့် တရုတ်ကွက်လို့ အကွက်ရိုက်ကြတာ နှစ်မျိုးခွဲခြားထားပါတယ်။
ဂျပန်ကွက်တွင် အလျား ၂ခဲ အနံ၂ခဲ ပုံမှန်သွားရပါသည်။
တရုတ်ကွက်တွင်အလျား ၂ ခဲ အနံ ၁ခဲဖြစ်ပါတယ် ခိုင်ခံ့နိုင်ခြင်းကတော့ ဂျပန်ကွက် နှင့် စီသွားပြီး အလျား ၂ ခဲအနံ ၂ခဲ စီရင်ပိုခိုင်ပါတယ်။
