ဘိလပ်မြေတန်ချိန် ၆၆ဝ ကျော် တင်သွင်းထားပြီး ထိုင်းနိုင်ငံမှအများဆုံးဖြစ်

   ပြီးခဲ့သည့် တစ်ပတ်အတွင်း မြန်မာနိုင်ငံ အတွင်းသို့ ပင်လယ်ရေကြောင်းမှတစ်ဆင့် ဘိလပ်မြေတန်ချိန် ၆၆ဝ ကျော် တင်သွင်း ထားပြီး ထိုင်းနိုင်ငံမှ အများဆုံးတင်သွင်း ကြောင်း စီးပွားရေးနှင့်ကူးသန်းရောင်းဝယ် ရေးဝန်ကြီးဌာနမှ သိရသည်။

        ၂၀၁၈ ခုနှစ် အောက်တိုဘာ ၂၈ ရက်မှ နိုဝင်ဘာ ၃ ရက်အထိ တစ်ပတ်အတွင်း ဒေါ် လာတစ်သိန်းကျော်တန်ဖိုးရှိဘိလပ်မြေ၆၆၁ ဒသမ၅၀တန်အထိပင်လယ်ရေကြောင်းကုန် သွယ်မှုမှ တင်သွင်းထားကြောင်း သိရသည်။

         ယင်းကဲ့သို့ တင်သွင်းရာတွင် ထိုင်းနိုင်ငံ မှတင်သွင်းမှုသည် တန်ချိန် ၄၈၁ ဒသမ ၂ဝ တန်ဖြင့် အများဆုံးတင်သွင်းထားပြီး မလေးရှားနိုင်ငံမှ ဘိလပ်မြေတန်ချိန် ၁၈ဝ ကျော် တင်သွင်းထားခြင်းဖြစ်သည်။

        အောက်တိုဘာ၁၄ ရက်မှ ၂၀ ရက်အ ထိ သီတင်းပတ်အတွင်း ဒေါ်လာ ၁၈၈၄ဝ တန်ဖိုးရှိ ဘိလပ်မြေ ၇၈၄ တန်နှင့်အောက် တိုဘာ ၂၁ ရက်မှ ၂၇ ရက်အတွင်း ဒေါ်လာ ၁၁၉၈၅၇ တန်ဖိုးရှိ ဘိလပ်မြေ ၁၃၄ဝ ဒသမ ၈၅တန်ကိုပင်လယ်ရေကြောင်းကုန်သွယ် မှုမှတင်သွင်းခဲ့ကြောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ သိရသည်။

        သီတင်းနှစ်ပတ်အတွင်းအာရပ်စော်ဘွား ပြည်ထောင်စုနိုင်ငံမှ ၁၆၉၃ တန်၊ ထိုင်း နိုင်ငံမှ၃၇၅ဒသမ၈၂၅တန်နှင့် တရုတ်နိုင်ငံ မှ၅၆တန်တင်သွင်းခဲ့ကြောင်းနှင့်ဘိလပ်မြေ တန်ချိန်စုစုပေါင်း ၁၂၄ ဒသမ ၈၂၅ တန် တင်သွင်းခဲ့ကြောင်း အောက်တိုဘာ ၂ဝ ရက် မှ ၆ရက်အထိ နယ်စပ်မှ ဘိလပ်မြေအဝင် မှာ တန်ချိန် ၃၂ဝဝ ရှိခဲ့သည်။

Source:Myawaddy