ကော့သောင်းမြို့နယ်၊ ငထွေးရူး ကျွန်း မြေ ၁၅ ဧကပေါ်တွင် ဟိုတယ် ဝန်ဆောင်မှုလုပ်ငန်းလုပ်ကိုင်ရန်အတွက် ပြည်တွင်းကုမ္ပဏီတစ်ခုကို နှစ် ၅ဝ ငှားရမ်းလုပ်ကိုင်ခွင့် သဘောတူစာချုပ် ချုပ်ဆိုခဲ့သည်ဟု တနင်္သာရီတိုင်းဒေသ ကြီး သယံဇာတနှင့် ပတ်ဝန်းကျင်ထိန်း သိမ်းရေးဝန်ကြီး ဦးမြင့်မောင်ထံမှ သိ ရသည်။
Supreme Services Team Co.,Ltdအား B.O.T စနစ်ဖြင့် လုပ် ကိုင်ခွင့်ပေးခြင်းဖြစ်ပြီး စက်တင်ဘာလ ၄ ရက်က ထားဝယ်မြို့ရှိ တိုင်းအစိုးရ အဖွဲ့ရုံးအစည်းအဝေးခန်းမတွင် သဘော တူစာချုပ်ချုပ်ဆိုခဲ့ကြောင်း သိရသည်။
အဆိုပါ လုပ်ကိုင်ခွင့်ရ ကုမ္ပဏီ သည် ကျွန်းပေါ်ဟိုတယ်ဆောက်ခြင်းကို ၃ နှစ်အတွင်း လုပ်ငန်းအကောင်အထည် ဖော်ပြီးစီးရမည်ဖြစ်ကြောင်း ဝန်ကြီးက ပြောသည်။
ကော့သောင်းခရိုင်အတွင်းတွင် ဝါးအလယ်ကျွန်း၊ ၁၁၅ကျွန်း၊ ညောင်ဦး ဖီးကျွန်း၊ သခင်ညိုကြီးကျွန်း၊ ဖိုးနီ(ခ)ဗိုလ်ယာညွှန့်ကျွန်း၊ ဗိုလ်နက်ကျော်ကျွန်း၊ ဘာလာ(ခ)သံရုပ်ကျွန်း၊ ကျွန်းဖီလာ၊ ဗိုလ်ရွဲ ၊ ငမန်းကျွန်းတို့တွင် ဟိုတယ် ဆောက်လုပ်ခွင့်ပြုထားကြောင်း ဟိုတယ် နှင့် ခရီးသွားညွှန်ကြားမှုဦးစီးဌာန ကော့သောင်းရုံးခွဲထံမှ သိရသည်။
