JMHU နှင့် MCEA တို့သဘောတူလက်မှတ်ရေးထိုးခဲ့သော Pilot Project
ဂျပန်နိုင်ငံမှ ဆောက်လုပ်ရေးနည်းပညာများကို ပြည်တွင်းဆောက်လုပ်ရေးလုပ်ငန်းများသို့ ပေးအပ်နိုင်ရေးအတွက် Pilot Project တစ်ခုကို ဆောင်ရွက်မည်ဖြစ်ရာ
ဂျပန်နိုင်ငံ JMHU နှင့် မြန်မာနိုင်ငံဆောက်လုပ်ဆိုင်ရာလုပ်ငန်းရှင်များအသင်း(MCEA)တို့မှ အဆိုပါပရောဂျက်အတွင် သဘောတူလက်မှတ်ရေးထိုးခြင်း ကို ရန်ကုန်မြို့၊ဆီဒိုးနားဟိုတယ်တွင် ကျင်းပခဲ့ကြောင်း သိရသည်။
ယင်းသဘောတူစာချုပ်အရ Pilot Project ကို လာမည့်နှစ်ဇန်နဝါရီတွင် ရန်ကုန်တိုင်းဒေသကြီး၊မင်္ဂလာဒုံမြို့နယ်၊နွယ်ခွေတွင် စတင်တည်ဆောက်သွားမည်ဖြစ်ကြောင်း သိရသည်။
မြန်မာနိုင်ငံတွင် တန်ဖိုးသင့်အိမ်ရာအများအပြားဆောက်လုပ်မည် ကို ဂျပန်အစိုးရမှ သိသည့်အတွက်ကြောင့် မြန်မာနိုင်ငံအစိုးရနှင့် အတူပါဝင်လုပ်ဆောင်ချင်သည့်အတွက် JMHU အား တာဝန်ပေးသည်ဟု သိရသည်။
မြန်မာနိုင်ငံဆောက်လုပ်ရေးလုပ်ငန်းရှင်များအသင်းနှင့် ပူးပေါင်း၍ Pilot Project Modern House များဆောက်ချင်ကြောင်း ကို ကမ်းလှမ်းခဲ့သည့်အတွက် ယခုလို
လက်မှတ်ရေးထိုးခဲ့ခြင်းဖြစ်ကြောင်း မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်း(MCEA)မှ ဒုတိယဥက္ကဋ္ဌမှ ပြောကြားခဲ့ကြောင်း သိရသည်။
ထို Pilot Project တွင် အိမ်ခန်းအမျိုးအစားနှစ်မျိုးကိုဆောက်လုပ်ပြသသွားမည်ဖြစ်ပြီး တည်ဆောက်ရေးတွင် အသုံးပြုသော နည်းပညာနှင့် ပစ္စည်းများကို ပါပြခန်းအဖြစ်ဖွင့်လှစ်ပြသမည်ဖြစ်ကြောင်း သိရသည်။
Pilot Project အတွက် မြေနေရာကို MCEA မှ တာဝန်ယူ၍ ဆောက်လုပ်ရေးကုန်ကျစရိတ်များကို ဂျပန်ဘက်မှ ကျခံပေးမည်ဖြစ်ကာ တည်ဆောက်ပြီး သုံးနှစ်အကြာတွင် ယင်းအိမ်ရာနှင့် ပြခန်းအားလုံးကို ဂျပန်ဘက်မှ MCEA သို့အပြီးသတ်လွှဲပြောင်းပေးသွားမည်ဖြစ်ကြောင်း သိရသည်။
