ကယားပြည်နယ်လွိုင်ကော်မြို့ရှိ လွိုင်ကော်လေဆိပ်ကို နိုင်ငံတကာအဆင့်မီလေဆိပ်အဖြစ်အဆင့်မြှင့်တင်မည်ဖြစ်ကြောင်း ကယားပြည်နယ်အစိုးရအဖွဲ့မှ သိရသည်။
လွိုင်ကော်လေဆိပ်သည်လက်ရှိပြေးလမ်း ပေ ၇,ဝဝဝ သာရှိရာမှ ပေ ၁ဝ,ဝဝဝ အထိ တိုးချဲ့မည်ဖြစ်ကာ ပေါင်ချိန် ၁၅ဝ,ဝဝဝ အလေးချိန်ရှိသည့် လေယာဉ်များဆင်းသက်နိုင်မည့် နိုင်ငံတကာ အဆင့်မီလေဆိပ်အဖြစ်အဆင့်မြှင့်တင်မည်ဖြစ်ကြောင်း၊လက်ရှိတွင် အဆိုပါလေဆိပ်အဆင့်မြှင့်တင်ရန် လွတ်ကင်းမှုမရှိသည့်နေအိမ်များ၊ဌာနဆိုင်ရာရုံးများ၊ဘာသာရေးဆိုင်ရာအဆောက်အအုံများ၊ဖယ်ရှားမည်ဖြစ်ကြောင်း ယင်းအတွက် လျော်ကြေးစရိတ်များ၊မြေအစားထိုးပေးနိုင်ရေး မြေကွက်ဖော်ထုတ်စရိတ်များ၏ ကုန်ကျစရိတ်သည် လေယာဉ်ကွင်းအသစ်တည်ဆောက်မည့် ကုန်ကျစရတ် လောက်ရှိနေ၍ ထိုအချက်ကို ထည့်သွင်းစဉ်းစားရမည်ဖြစ်ကြောင်း သိရသည်။
ယခင်က ဒီးမော့ဆိုမြို့နယ်တွင် လေယာဉ်ကွင်းအသစ်အကောင်အထည်ဖော်ရန် လျာထားခဲ့ဖူးသော်လည်း လက်ရှိလွိုင်ကော်လေဆိပ်အား အဆင့်မြှင့်တင်ခြင်းသည်ပိုမို အဆင်ပြေနိုင်မည်ဖြစ်ကြောင်း ယခင်က လွိုင်ကော်လေဆိပ်သည် ပေ ၅၂ဝဝ သာရှိခဲ့ပြီး ယခုပေ ၇ဝဝဝ အထိတိုးချဲ့ထားခြင်းဖြစ်ကြောင်းသိရသည်။
ကယားပြည်နယ်သည် ယခုနှစ်များအတွင်းခရီးသွားဝင်ရောက်မှုတိုးတက်လာပြီး သဘာဝအခြေပြုခရီးသွားဒေသများဖော်ဆောင်ထားသည့် အတွက် ဒေသခံများအလုပ်အကိုင်အခွင့်အလမ်းရရှိနေကြောင်း၊ထို့ပြင်လွိုင်ကော်သည် ထိုင်းနိုင်ငံမယ်ဟောင်ဆောင်ခရိုင်နှင့် ညီအစ်မမြို့တော်အဖြစ် MoU လက်မှတ်ရေးထိုးထားပြီးနှစ်နိုင်ငံခရီးသါားကဏ္ဍများ၊ရင်းနှီးမြှုပ်နှံမှုကဏ္ဍများ ချိတ်ဆက်ဆောင်ရွက်လျက်ရှိကြောင်း ယင်းအတွက် လွိုင်ကော်နှင့် မယ်ဟောင်ဆောင်တို့ကြားလေကြောင်းခရီးစဉ်များတိုးချဲ့ပြေးဆွဲရန်လိုအပ်လာပြီး နိုင်ငံတကာအဆင့်မီလေဆိပ်လိုအပ်ကြောင်း သိရသည်။
Source:Myawaddy
