ကွန်ကရစ်လျှောက်လမ်းနှင့် ဈေးတန်းဖော်ဆောင်မည် 

မန္တလေးမြို့ ဧရာဝတီမြစ်ကမ်းဘေးတွင် အနားယူအပန်းဖြေရန် ကွန်ကရစ်လျှောက်လမ်းနှင့် ဈေးတန်း ဖော်ဆောင်မည်။

မန္တလေးမြို့အနောက်ဘက်ဧရာဝတီမြစ်ကမ်းဘေးတွင် အနားယူအပန်းဖြေရန် ကွန်ကရစ်လျှောက်လမ်းနှင့် ဈေးတန်းတစ်ခုဖော်ဆောင်မည်ဟုမန္တလေး မြို့တော်စည်ပင်သာယာရေး ကော်မတီတာဝန်ရှိသူတစ်ဦးက ပြောသည်။

မန္တလေးမြို့တော်စည်ပင် သာယာရေးကော်မတီက တည်ဆောက်ထားသည့် ကမ်းနားလမ်း၊ ၁၂ လမ်းနှင့် ၁၉ လမ်းကြား ရှိ အငှားအိမ်ရာများရှေ့တွင် အများပြည်သူ အပန်းဖြေနိုင်မည့် ကွန်ကရစ်လမ်းတည်ဆောက်ရန် မြေတိုင်းခြင်းများ စတင်နေပြီဖြစ် သည်။

‘‘ကွန်ကရစ်လမ်းက ၁၈ ပေ လောက်အကျယ်ရှိမယ်။ လက်ရန်းတပ်မယ်။ သပ်သပ်ရပ်ရပ်နဲ့ အနားယူအပန်းဖြေသွားလာလို့ရ အောင်လုပ်မယ်။ မီးလင်းအောင်လည်း မီးတိုင်တွေတပ်ထားပြီးပြီ’’ ဟု အဆိုပါတာဝန်ရှိသူက ပြောသည်။ ကွန်ကရစ်လျှောက်လမ်းအပြင် အစားအသောက်များရောင်းချမည့် ဈေးတန်းတစ်ခုလည်း ဖော်ဆောင်မည်ဖြစ်ကြောင်း ဆိုသည်။

အဆိုပါဝန်းကျင်သည် မူးယစ်ဆေးဝါးရောင်းဝယ်မှုများနှင့် အိမ်ခြေမဲ့များနေထိုင်ပြီး ဒုစရိုက်မှုများပြားသည့်နေရာ ဖြစ်ခဲ့ကြောင်း မန္တလေးမြို့တော်စည်ပင်သာယာရေးကော်မတီဝင်တစ် ဦးက ပြောသည်။

‘‘လူအများသွားလာတဲ့နေရာဖြစ်သွားရင် မကောင်းမှုလုပ် ယ့်သူတွေနောက်ထပ်အခြေချ ဖို့မဖြစ်နိုင်တော့ဘူးပေါ့။ သာသာယာယာဖြစ်မယ်ဆိုရင် အနားယူစရာနေရာတစ်ခုဖြစ်လာမယ်။ ဒီနေရာကရာသီမရွေးလှတယ်’’ ဟု ၎င်းကဆိုသည်။

ကမ်းနားလမ်းတစ်လျှောက် မူးယစ်ဆေးဝါးရောင်းချသည့်နေ ရာများကို တိုင်းအစိုးရက ပြီးခဲ့သည့်နှစ်လခန့်က ဖမ်းဆီးခဲ့သည်။