ထိုင်းဘီလျံနာရဲ့ပတ္တရားမှ နတ်ဘုံနတ်နန်း အပိုင်း တချို့ ဖြိုဖျက်

 ထိုင်းဘီလျံနာရဲ့ပတ္တရားမှ နတ်ဘုံနတ်နန်း အပိုင်း တချို့ ဖြိုဖျက်

TO GET INSTANT UPDATE 
Join Telegram Channel
https://t.me/Guid4U

ထိုင်းနိုင်ငံ ပင်လယ်ကမ်း‌ခြေ အပန်းဖြေမြို့ ပတ္တယားမှာ တည်ရှိသည့် အိမ်ကြီးမဟာ Sukhawadee House ဟာ ပင်လယ်ကမ်းခြေ တွင်တည်ရှိပါသည်။
.
Sukhawadee သည် နတ်ဘုံနတ်နန်းဟု ဆိုလိုပြီး Sukhawadee House ကို အမည်နှင့် လိုက်အောင် ခမ်းနားထည်ဝါစွာ တည်ဆောက်ထားပါသည်။ ခရီးသွားလုပ်ငန်းအတွက် ဆောက်လုပ်ထားခြင်း ဖြစ်ပါသည်။ ပတ္တယားသို့ အပန်းဖြေခရီးထွက်သူတို့ ဝင်ကြေးပေးပြီး ဝင်ရောက်ကြည့်ရှုနိုင်ပါသည်။
.
Sukhawadee House မှ Building A ကို အုပ်ချုပ်ရေး တရားရုံးမှ ဖျက်မိန့် စီရင်ချက် ချခဲ့သည်ကို အယူခံဝင်ခဲ့ရာ ပယ်ချခံရသည့်အတွက် မေလကုန်တွင် စတင်ဖြိုဖျက်ခဲ့ပါသည်။
Building A  သည် အများပိုင်မြေကို ကျူးကျော်ပြီး တည်ဆောက်ထားပြီး အခြားအဆောက်အဦ နှစ်ခုဖြစ်သည့် Building B နှင့် Building C တို့သည် ခွင့်ပြုမိန့် မရယူဘဲ တည်ဆောက်ထားကြောင်း စစ်ဆေးတွေ့ရှိခဲ့သည်။
.
Building C ဧရိယာသည်ပင်လယ်နှင့် သတ်မှတ်ထားသော အကွာအဝေးနှင့် ငြိစွန်းနေသည့် အပိုင်းကို ဖြတ်ချရမည် ဖြစ်သည်။
.
Building B ကို အရေးယူဆောင်ရွက်ရန် တရားရုံးမှဆိုင်းငံ့ထား  ဆုံးဖြတ်ထားသည်။
.
မေလ ၃၀ ရက်တွင် ပတ္တယားမြို့ စည်ပင်သာယာရေးအဖွဲ့မှ တာဝန်ရှိသူ ၃၀ ဦးသည် Sukhawadee House သို့ ဘက်ဟိုး backhoe များ၊ ထရပ်ကားများဖြင့် ရောက်ရှိလာသည်။
.
Building A ကို ပင်လယ်ကမ်းစပ် မြေဖို့ပြီး တည်ဆောက်ထားသည်။ 
တာဝန်ရှိသူတို့က လျှပ်စစ်ဓာတ်အားနှင့် ရေတို့ကို ဦးစွာပထမ ဖြတ်တောက်လိုက်ပြီး ကြမ်းခင်းများကို ခွာထားလိုက်သည်။
Sukhwadee House ကိုယ်စားပြုရှေ့နေက လာရောက်လေ့လာပြီး ဖြိုဖျက်မှုကုိ ဖြည်းဖြည်းနှေးနှေး လုပ်ဆောင်ရန်  စည်ပင်သာယာရေးအဖွဲ့ကို တောင်းဆိုခဲ့ပါသည်။
.
ပတ္တာယားစီးတီး အင်ဂျင်နီယာရုံးမှ အဆောက်အဦကြီးကြပ်ရေးဌာန အကြီးအကဲ Chris Cherdsuriya က Sukhwadee House ပိုင်ရှင်ကို အဆောက်အဦ ဖြိုဖျက်ရန် ညွှန်ကြားခဲ့သော်လည်း ယခုအထိ တစ်စုံတစ်ရာ အရေးယူ ဆောင်ရွက်ခြင်းမရှိကြောင်း ပြောကြားသည်။
.
သို့ဖြစ်ရာ ဌာနဆိုင်ရာမှ အရေးယူဆောင်ရွက်ရန် အချိန်ကျရောက်လာသည်။ အရေးတယူ ဆောင်ရွက်ခြင်း မပြုလျှင် တာဝန်ပေါ့လျော့မှုဖြင့် တာဝန်ရှိသူများ ပြစ်ဒဏ်ကျခံကြရလိမ့်မည်ဟု ၎င်းက ပြောကြားသည်။
.
အဆောက်အဦကို ပိုင်ရှင်က အသုံးမပြုနိုင်သည်မှာ သေချာအောင် အချိန် ၇ ရက် ယူမည်။ ထို့နောက်တွင် အဆောက်အဦ တစ်ခုလုံးကို  ဖြိုဖျက်ရန် ကန်ထရိုက်တာများ၏ လက်သို့ အပ်နှံမည်ဖြစ်ကြောင်း ၎င်းက ပြောကြားသည်။
.
မြို့တော်စည်ပင်မှ ဖြိုဖျက်ခြင်းကုန်ကျစရိတ်ကို ပိုင်ရှင်ထံမှ တောင်းခံမည်ဖြစ်ကြောင်း ၎င်းက ဆက်လက်ပြောကြားသည်။
.
Sukhwadee House ပိုင်ရှင်မှာ Saha Farms Co Ltd ပိုင်ရှင် ထိုင်းဘီလျံနာ Panya Chotitawan ဖြစ်သည်။ ၎င်းကုမ္ပဏီသည် ထိုင်းနိုင်ငံတွင် အေးခဲကြက်သား ပြည်ပသို့ တင်ပို့သည့် ကုမ္ပဏီများတွင် အကြီးဆုံး ကုမ္ပဏီ ဖြစ်သည်။ သို့ဖြစ်ရာ Panya Chotitawan ကို ကြက်သားတိုင်ကွန်းသူဌေးဟု ခေါ်ဝေါ်ကြပါသည်။

MBG