ယခုနှစ်ကုန်တွင် ပြည်သူ့အငှားအိမ်ရာစီမံကိန်းမှ အဆောက်အအုံ ၉၁ လုံး ပြီးစီးမည်
ရန်ကုန်မြို့၌ တည်ဆောက်နေသည့် ပြည်သူ့အငှားအိမ်ရာစီမံကိန်းမှ အဆောက်အအုံ ၉၁ လုံး ယခုနှစ်ကုန်တွင် တည်ဆောက်ပြီးစီးမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ၏ သတင်းများအရ သိရသည်။ ရန်ကုန်တိုင်းဒေသကြီးတွင် ပြည်သူ့အငှားအိမ်ရာစီမံကိန်းကို ဒဂုံမြို့သစ် (တောင်းပိုင်း)မြို့နယ် အမှတ် ၂ လမ်းနှင့် အမှတ် ၇ မြို့ပတ်လမ်းဆုံမှ သရက်ပင်ချောင်းကျေးရွာသွားလမ်းတွင် အကောင်အထည်ဖော် ဆောင်ရွက်လျက်ရှိသည်။
အဆိုပါ ပြည်သူ့အငှားအိမ်ရာစီမံကိန်း၏ ပထမအဆင့်တွင် အဆောက်အအုံ ၁၉၄ လုံး ၊ အခန်းပေါင်း ၃၁၀၄ ခန်းကို အကောင်အထည်ဖော် ဆောင်ရွက်နေခြင်းဖြစ်သည်။ အဆိုပါပြည်သူ့အငှားအိမ်ရာစီမံကိန်းကို မြန်မာနိုင်ငံ ဆောက်လုပ်ရေးဆိုင်ရာလုပ်ငန်းအသင်း (MCEF) နှင့် မြန်မာနိုင်ငံ လိုင်စင်ရကန်ထရိုက်တာများအသင်းချုပ်(MLCA) တို့က အဆောက်အအုံများကို ၉၇ လုံးစီ ခွဲဝေ တည်ဆောက်နေခြင်းဖြစ်ကြောင်း သိရသည်။
ထိုသို့ တည်ဆောက်လျက်ရှိရာ မြန်မာ နိုင်ငံဆောက်လုပ်ငန်းရှင်များအသင်း (MCEF) က ယခုနှစ် စက်တင်ဘာလကုန်တွင် အဆောက်အအုံးအားလုံး ၃၀ ၊ အောက်တိုဘာလကုန်တွင် အဆောက်အအုံ ၁၂ လုံး၊ ဒီဇင်ဘာလကုန်တွင် အဆောက်အအုံး ၁၀ လုံး စုစုပေါင်းအဆောက်အအုံ ၅၂ လုံး တည်ဆောက်ပြီးစီးမည်ဖြစ်ကြောင်း သိရသည်။
ထို့အတူ မြန်မာနိုင်ငံလိုင်စင်ရကန်ထရိုက်တာများအသင်းချုပ် (MLCA) ကလည်း ယခုနှစ် စက်တင်ဘာလကုန်တွင် အဆောက်အအုံ ၁၀ လုံး၊ အောက်တိုဘာလတွင် အဆောက်အအုံ ၁၅ လုံး ၊ ဒီဇင်ဘာလကုန်တွင် အဆောက်အအုံ ၁၄ လုံး စုစုပေါင်း အဆောက်အအုံ ၃၉ လုံး တည်ဆောက်ပြီးစီးမည်ဖြစ်သည်။
အဆိုပါ ပြည်သူ့အငှားအိမ်ရာစီမံကိန်းမှ အဆောက်အအုံးလုပ်နေမှု လုပ်ငန်းများကို ယခုနှစ် ဒီဇင်ဘာလကုန်တွင် အဆောက်အအုံ ၉၁ လုံးထိ တည်ဆောက်ပြီးစီးမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီး၏ သတင်းများအရ သိရသည်။
ရတနာပုံ
Myanmar Builder Guide
