ရန်ကုန်တိုင်းဒေသကြီးအတွင်း တိုးပွားလာမည့်လူဦးရေအခြေအနေအရ မြို့ပြဖွံ့ဖြိုးရေးစီမံကိန်းများကို သက်ဆိုင်ရာမှ ဖော်ဆောင်ရန်စီစဉ်လျက်ရှိသည့်
မဟာဗျူဟာအရ အရန် မြို့သစ်စီမံကိန်းခြောက်ခုဖော်ဆောင်ရေးပါဝင်ကြောင်း ဆောက်လုပ်ရေးဝန်ကြီးဌာနမြို့ပြနှင့် အိမ်ရာဖွံ့ဖြိုးရေးဦးစီး ဌာနမှ သိရသည်။
ရန်ကုန်မြို့သည် ၂ဝ၃ဝပြည့်နှစ်နောက်ပိုင်းတွင် လူဦးရေ ၁ဝသန်းကျော်ရှိလာမည်ဖြစ်သောကြောင့် အရန်မြို့သစ်စီမံကိန်းများကို အချိန်မီ အကောင်အထည်ဖော်နိုင်ရန်ရေးဆွဲလျက်ရှိရာ
လှိုင်သာယာ၊အရှေ့ဒဂုံ၊ မင်္ဂလာဒုံမြို့နယ်၊သန်လျင်မြို့နယ်အတွင်းရှိ နေရာများပါဝင်ကြောင်းသိရသည်။
ထိုအရန်မြို့ ခြောက်ခုအား JICA မှ အဆိုပြုရေးဆွဲတင်ပြထားပြီး စီမံကိန်းမစရသေးကြောင်းကို မြို့ပြနှင့် အိုးအိမ်ဖွံ့ဖြိုးရေးဦးစီးဌာန(ရန်ကုန်တိုင်း)ညွှန်ကြားရေးမှူးမှ ပြောကြားကြောင်းသိရသည်။
JICAသည် အဆိုပြုထားသောရန်ကုန်တိုင်းဒေသကြီးအတွင်း အရန် မြို့သစ်ခြောက်ခုမှာ ထောက်ကြံ့အရန်မြို့၊ရွှေလင်ဗန်းအရန်မြို့၊အရှေ့ဒဂုံအရန်မြို့၊ပန်းလှိုင်အရန်မြို့၊တောင်ပိုင်းအရန်မြို့(သံလျင်မြို့နယ်အတွင်း)၊
သီလဝါအရန်မြို့တို့ဖြစ်ပြီး ထိုနေရာမျာမှာ ဖွံ့ဖြိုးဆဲနေရာများဖြစ်ကြောင်းသိရသည်။
Pyi Myanmar
