ဂျပန်နိုင်ငံက အမေရိကန်ဒေါ်လာ နှစ်ဘီလီယံခန့် ရင်းနှီးမြှုပ်နှံပြီး သဘာဝဓာတ်ငွေ့ရည်သုံး လျှပ်စစ်ဓာတ်အားထုတ်စက်ရုံကို
သီလဝါတွင်တည်ဆောက်ရန် ပြင်ဆင်နေကြောင်း မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းထံမှ သိရသည်။
အဆိုပါ စီမံကိန်းမှ လျှပ်စစ်ဓာတ်အား မဂ္ဂါဝပ် ၁,၂၀၀ ကျော် ထုတ်လုပ်နိုင်မည်ဖြစ်ပြီး
သီလဝါရှိ အကွက်အမှတ် (၂၇)၊ (၂၉)နှင့် (၂၈)တို့တွင် အကောင်အထည်ဖော်မည်ဖြစ်သည်။
ဂျပန်နိုင်ငံမှ မာရူဘီနီ-ဆူမီ တိုမို ကော်ပိုရေးရှင်းနှင့် ပြည်တွင်းအများပိုင်ကုမ္ပဏီတစ်ခု ပူးပေါင်း ၍ လျှပ်စစ်ထုတ်လုပ်ရေးလုပ်ငန်းကို
အကောင်အထည်ဖော်ရန် စီစဉ်နေပြီး လာမည့်နှစ်ဆန်းပိုင်းတွင် အစိုးရနှင့် လက်မှတ်ရေးထိုးရန် စီစဉ်ထားသည်။
လျှပ်စစ်ဓာတ်အားခ ဈေးမြင့်တက်ပြီးနောက် ဂျပန်ကုမ္ပဏီအချို့ လျှပ်စစ်ဓာတ်အားထုတ် လုပ်ရေးကဏ္ဍတွင် ရင်းနှီးမြှုပ်နှံရန်ပြင်ဆင်နေကြောင်
း မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်း ချုပ်ဥက္ကဋ္ဌ ဦးဇော်မင်းဝင်းက ပြောသည်။
ဂျပန်နိုင်ငံမှ မစ်ဆူဘီရှီ၊ မာ ရူဘီနီနှင့် မစ်ဆူအီကုမ္ပဏီတို့က လျှပ်စစ်ဓာတ်အားမဂ္ဂါဝပ် ၁,၀၀၀ထုတ်လုပ်မည့်
စက်ရုံတည်ဆောက်ရင်းနှီးမြှုပ်နှံရန် ပြင်ဆင်နေသည်ဟု ၎င်းက ပြောသည်။
မြန်မာနိုင်ငံ၏ လျှပ်စစ်ဓာတ်အားထုတ်လုပ်ရေး ကဏ္ဍတွင် တရုတ်၊ စင်ကာပူနိုင်ငံအပါအဝင် အခြားနိုင်ငံအချို့က ရင်းနှီးမြှုပ်နှံ နေသော်လည်း ဂျပန်နိုင်ငံမပါဝင်ပေ။
ယခုကဲ့သို့ ရင်းနှီးမြှုပ်နှံမည့် အစီအစဉ်အကောင်အထည်ဖော်နိုင်ပါက ဂျပန်နိုင်ငံ၏ ပထမဆုံးရင်းနှီးမြှုပ်နှံမှုဖြစ်လာမည်။
