အပျောက် တိုက်ခန်း ဆိုသည်မှာ

၁။ အပျောက်တိုက်ခန်း

အပျောက်တိုက်ခန်းဆိုသည်မှာယင်းတိုက်ခန်းအား တန်ဖိုးတစ်ရပ်ဖြင့်ပေးဝယ်၍နေထိုင်ခွင့်နှင့် ထပ်ဆင့်လွဲှပြောင်း၊ ဌားရမ်းပိုင်ခွင့်ရှိသောအိမ်ဌား (Tenant) တစ်ဦးဖြစ်ပါသည်။

၁၉၆ဝ ပြည့်နှစ်၊ မြို.ပြဆိုင်ရာဌားရမ်းခ ကြီးကြပ်ရေးအက်ဥပဒေနှင့် အကျုံးဝင်သဖြင့်ဝယ်ယူသူသည် မြေရှင်အား အိမ်လခပေးရန်နှင့်ယင်းဥပဒေကို လိုက်နာရပါမည်။

ယခုအခါ နေအိမ် တိုက်ခန်းများကို အပျောက်စနစ်ဖြင့် ဝယ်ယူနေထိုင်လျက် ရှိကြသည်။

အပျောက်စနစ်ဖြင့် ဝယ်ယူသူသည် အပျောက်ငွေကို အခန်းလက်ရှိနေသူသို့ ပေးချေကာ အခန်းကို လက်ပြောင်း လက်လွဲှ ရယူနိုင်သည် ။

နေထိုင်ခွင့်အတွက် တန်ရာတန်ကြေးပေး၍ ဥပစာကို လွဲှပြောင်းရယူသည့် စနစ် ဖြစ်သည်။ တိုက်ခန်းကို လုံးဝပိုင်ဆိုင်ခြင်း မဟုတ်ဘဲ တိုက်ခန်းပိုင်ရှင် ရှိပေသည်။

တိုက်ခန်းကို ရောင်းမည်ဆိုလျှင် တိုက်ခန်းပိုင်ရှင်ကို အသိပေးပြီး ရောင်းခွင့်ရှိသည်။ ထိုသို့ အခန်းကိုလက်ပြောင်း လက်လွဲှပြုရာတွင်

အိမ်ရှင်၏ အသိအမှတ်ပြုခြင်းကို ရယူရန် လိုအပ်သည်။ သတ်မှတ်သည့် အိမ်လခ ရှိ၍ အဆိုပါ အိမ်လခကို တိုက်ရှင်သို့ ပေးဆောင်ရသည်။

ထိုကဲ့သို့ တိုက်ခန်းကို အပျောက်စနစ်ဖြင့် ရောင်းချရာတွင် အိမ်ရှင်၏ အသိအမှတ်ပြုခြင်းကို ရယူရန်အတွက် ရောင်းသူက အမည်ပြောင်းခ အဖြစ် အိမ်ရှင်သို့ ပေးရသည်။

ထိုအခါတွင်မှ အိမ်ရှင်က နောက်ဝယ်သူကို အသိအမှတ်ပြုသည်။ အပျောက်စနစ်ဖြင့် ဝယ်ယူသော်လည်း ဝယ်သူသည် အိမ်ဌားသာလျှင် ဖြစ်သည်။

အပျောက်တိုက်ခန်း ပိုင်ဆိုင်သူမှာ နေထိုင်ခွင့်နှင့် ထပ်ဆင့်လွဲှပြောင်းဌားရမ်းပိုင်ခွင့် ရှိသော အိမ်ဌားတစ်ဦးပင် ဖြစ်သည်။ အပျောက်တိုက်ခန်း ဝယ်ယူရာတွင် မြေပိုင်ဆိုင်မှုမပါဝင်သဖြင့် ဝယ်ယူသူသည်

မြေပိုင်ရှင် ( တိုက်ပိုင်ရှင်) အား အိမ်လခပေးရသော အိမ်ဌားတစ်ဦးသာ ဖြစ်သည်။

အပျောက်စနစ်ဖြင့် တိုက်ခန်းဝယ်ယူရာတွင် မြေပိုင်ရှင် (တိုက်ပိုင်ရှင်) ၏ လက်မှတ်ပါဝင် ရေးထိုးပေးရန် အရေးကြီးသည်ဖြစ်ရာ မြေပိုင်ရှင် ၊ တိုက်ပိုင်ရှင်ဖြစ်ကြောင်း ၊ ၎င်းကိုင်ဆောင်သည့်

မှတ်ပုံတင်နှင့် အတူ ပြသ စိစစ် စုံစမ်းနိုင်ရန်နှင့် အရောင်းအဝယ်စာချုပ်တွင် ပါဝင်လက်မှတ်ရေးထိုးပေးနိုင်ရန် ရောင်းချသူအနေဖြင့် ကြိုတင်ညှိနှိုင်းဆောင်ရွက်ထားရန် လိုအပ်ပါသည်။

၂။ အပျောက်တိုက်ခန်းအမျိုးအစားများ

(က) ပုဂ္ဂလိကတိုက်ခန်း

ပုဂ္ဂလိကပိုင်မြေကွက်ပေါ်တွင် ပုဂ္ဂလိကပိုင် ငွေဖြင့်ဖြစ်စေ၊ကန်ထရိုက်တာနှင့် အခန်းပေး အခန်းယူဆောက်လုပ်သည့်တိုက်ခန်းများဖြစ်ပြီး၊မြေရှင်အား အိမ်လခပေးနေရသော အခန်းများ ဖြစ်ပါသည်။

အိုးအိမ်မှ ပုဂ္ဂလိကသို့ အပြီးအပြတ်ရောင်းချသောအခန်းများလည်း ပါဝင်ပါသည်။

ယင်းတိုက်ခန်းများကိုမူ အိမ်လခ တောင်းခံခြင်း မပြုပါ။

(ခ) ပြည်သူပိုင်မှ ပြန်ပေးသောတိုက်ခန်း

ပြည်သူပိုင် သိမ်းယူသောတိုက်ခန်းများအနက်နိုင်ငံတော်မှ အသုံးပြုရန် မလိုအပ်သည့် အခန်းများအားပြန်လည်စိစစ်၍ မူလပိုင်ရှင်များအား ပြန်လည်လွဲှပြောင်းပေးအပ်လိုက်သည့် အခန်းအမျိုးအစား ဖြစ်ပါသည်။

(ဂ) စည်ပင်မှ ယာယီထိန်းသိမ်းထားသည့် တိုက်ခန်း

တိုက်ခန်းနေထိုင်သူမှ ကြွေးမဆပ်နိုင်သဖြင့်စည်ပင်က ယာယီထိန်းသိမ်းထားသည့် အခန်းဖြစ်ပြီး၊ စည်ပင်ကြွေးကို အိမ်ဌား (တိုက်ခန်းအပျောက်ဝယ်သူ) မှပေးဆပ်ရပြီး တိုက်ပိုင်ရှင်သို့ အိမ်လခပေးရန်

မလိုဘဲစည်ပင်ခွန်များကိုသာ ပေးဆောင်နေရသည့်အခန်းအမျိုးအစား ဖြစ်ပါသည်။

(ဃ) ဘာသာရေးပိုင်အခန်းများ

ဗလီဝကဖ်အခန်းများ၊ဟိန္ဒူဘုရားကျောင်းပိုင်အခန်းများ၊တရုတ်ဘုံကျောင်းပိုင်အခန်းများအားအပျောက်စနစ်ဖြင့်ရောင်းချပြီးရရှိသည့်ငွေများ၊ အိမ်လခများကို ဘာသာရေးရန်ပုံငွေအဖြစ် အသုံးပြုသည့်အခန်းများ ဖြစ်ပါသည်။

အဆိုပါအခန်းများ ရောင်းချခြင်း၊ ဝယ်ယူခြင်း၊ပိုင်ဆိုင်မှု အမည်ပြောင်းခြင်းများကို သက်ဆိုင်ရာဂေါပကအဖွဲ့ လူကြီးများက စီမံခန့်ခွဲကြပါသည်။

(င) ပြည်သူပိုင် (သို့) အစိုးရပိုင်အခန်းများ

(၁)အိုးအိမ်ခန်း

နိုင်ငံတော်ပိုင်မြေပေါ်တွင် နိုင်ငံတော်ပိုင်ငွေဖြင့်ဆောက်လုပ်ပြီးဝန်ထမ်းများအား နေထိုင်ခွင့် အဌားချထားသောအခန်းမျိုးဖြစ်သည်။

၎င်းအပြင် ယခင်တိုင်းပြညသူ့ ကောင်စီမှထိန်းသိမ်းထားသော ပြည်သူပိုင် အခန်းများအားအိုးအိမ်သို့ လွဲှအပ်ပေးလိုက်သော အခန်းများ ပါဝင်ပါသည်။

(၂) ဌာနဆိုင်ရာအခန်းများ

အစိုးရဌာနဆိုင်ရာ အဖွဲ.အစည်းအသီးသီးတို့မှမိမိတို့ဝန်ထမ်းများ နေထိုင်ရေးအဆင်ပြေစေရန် အတွက်နိုင်ငံတော်မှ စီစဉ်ဆောက်လုပ်ပေးသောအဆောက်အဦးတိုက်ခန်းများ ဖြစ်ပါသည်။

ပြည်သူပိုင်အဖြစ် ပြုလုပ်ထားသော အခန်းများပါဝင်ပါသည်။

(၃) တိုင်းချခန်း

ယခင်တိုင်းလုံခြုံရေးနှင့် အုပ်ချုပ်မှုကော်မတီ၊တစ်ဖန် တိုင်းပြည်သူ့ကောင်စီသည် တိုင်းအဆင့်စီမံခန့်ခွဲမှှု၊အုပ်ချုပ်မှုအဖွဲ့အစည်းမှ ပုဂ္ဂိုလ်များအားချပေးသောအခန်း ဖြစ်ပါသည်။

(၄) နိုင်ငံခြားပြန် အခန်း

နိုင်ငံခြားသားပိုင် အခန်းဖြစ်ပြီး မိမိတို့၏နိုင်ငံသို့အပြီးအပိုင် ပြန်ကြရာတွင် ယင်းအခန်းများကိုနိုင်ငံတော်သို့ အပ်နံှခြင်း(သို့) နိုင်ငံတော်မှ သိမ်းယူထားသော အခန်း ဖြစ်သည်။

(၅)စည်ပင်ယာယီထိန်းအခန်း

စည်ပင်သာယာရေးကော်မတီ၏ စည်းကမ်းချက်များ၊ဥပဒေပြဌာန်းချက်များနှင့် မကိုက်ညီခြင်း

ညွှန်ကြားချက်များအားမလိုက်နာခြင်းတို.ကြောင့်စည်ပင်သာယာရေးကော်မတီမှယာယီထိန်းသိမ်းထားသော အခန်း ဖြစ်ပါသည်။

(၆) အခြားအခန်းများ

ပြစ်မှုဆိုင်ရာဥပဒေတစ်ရပ်ရပ်အရ(မူးယစ်ဆေးဝါး၊ ချဲထီစသည်)အရေးယူခံရပြီး နိုင်ငံဘဏ္ဍာအဖြစ်သိမ်းခြင်းခံရသည့်အခန်းများ ဖြစ်ပါသည်။

(၇) DB တိုက်ခန်းများ

အန္တရယ်ရှိ အဆောက်အဦ DB(Dangerous Building)မှာအချိန်မရွေး ပြိုကျနိုင်ပြီး နေထိုင်သူနှင့်အနီးအနားရှိသည့်လူများ၏ အသက်အန္တရာယ်ကိုထိခိုက်စေနိုင်သည့် အဆောက်အဦကို ခေါ်ပါသည်။

အန္တရာယ်ရှိအဆောက်အဦကို အိမ်ရှင်ဖြစ်စေ၊ နေထိုင်သူဖြစ်စေ၊ပတ်ဝန်းကျင်မှဖြစ်စေ မြို.တော်စည်ပင်သာယာရေးကော်မတီသို့လျှောက်ထားနိုင်ပါသည်။

လျှောက်ထားမှုအပေါ် ရှေးဦးစွာ ပဏာမအဖွဲ့ဖြင့်စစ်ဆေးပြီး အသေးစားပြင်ဆင်ရန် (သို့)အကြီးစားပြင်ဆင်ရန်ဆုံးဖြတ်ပါသည်။